Навінка! Кніга "Курган Славы"

"Курган Славы" - адзін са знакавых мемарыяльных комплексаў, якія захоўваюць памяць аб падзеях Вялікай Айчыннай вайны. Тут кожная жменя зямлі нагадвае, як цаной уласных жыццяў нашы дзяды і прадзеды адваявалі для нас права на жыццё пад мірным небам і светлую будучыню. Новае выданне змяшчае гістарычныя звесткі, архіўныя фатаграфіі і дакументы.

Кніга распавядае пра гісторыю стварэння мемарыяла, прысвечанага ўсім тым, хто ахвяраваў сабой дзеля Перамогі і нашай свабоды. Выданне прызначана для шырокага кола чытачоў, а таксама для тых, хто цікавіцца гісторыяй нашай краіны.

Кнігу можна набыць у сувенірных крамах мемарыялаў "Хатынь" і "Курган Славы".

Навінка! Кніга "Хатынь"

Хатынь – маленькая беларуская вёска, якая стала сімвалам трагедыі беларускага народа ў гады Вялікай Айчыннай вайны. Жудасны лёс жыхароў Хатыні ў гады акупацыі падзяліла мірнае насельніцтва тысяч населенных пунктаў Беларусі. Мемарыяльны комплекс, створаны на месцы спаленай вёскі ў канцы 1960-х гадоў, стаў месцам нацыянальнага пакланення і прымірэння.  У кнізе змешчаны гістарычныя звесткі аб самых крывавых старонках у гісторыі Беларусі, гісторыя беларускай вескі Хатынь ад першых пісьмовых згадак.

Асобныя раздзелы прысвечаны гісторыі стварэння мемарыяльнага комплексу «Хатынь», падрабязнаму апісанню мемарыялу і яго філіялаў, а таксама трагедыі гэтай і іншых беларускіх вёсак, знішчаных у гады вайны. Выданне прызначана для для шырокага кола чытачоў, а таксама тых, хто  цікавіцца гісторыяй нашай краіны.

Кнігу можна набыць у сувенірных крамах мемарыялаў "Хатынь" і "Курган Славы".